L-Awtoritá tal-Ippjanar approvat emendi fil-pjan oriġinali tal-MCAST resource centre li se jkun qed jinbena f’Raħal Ġdid.
Dan iċ-ċentru se jkollu erba’ sulari, u se jkun mgħammar bir-riżorsi neċċessarji biex ilaħħaq mad-domanda ta’ studenti li qed jagħżlu li jsegwu korsijiet fl-MCAST. L-għan ewlieni ta’ dan iċ-ċentru ta’ riżorsi huwa li l-istudent jingħata edukazzjoni ta’ l-ogħla livell u jkun jista’ jiġi mħarreġ.
Din il-binja se tinbena fuq il-parkeġġ eżistenti u se jkollha klassijiet, uffiċji, spazji ta’ esebizzjoni, libreriji u study areas fost oħrajn.
