Ilbieraħ filgħaxija s-sajjetti, r-ragħad u l-beraq kisru l-ħemda tal-lejl. Kienu bosta dawk li bdew jpoġġu ritratti fuq is-sit soċjali ta’ facebook u filmati tal-maltemp, u li bdew ibassru li se tagħmel ħafna xita. Iżda minkejja s-sema mdawla assoċjata mal-maltemp, xita għamlet ftit li xejn.
Minkejja dan, matul il-ġurnata tat-Tlieta għamlet xita qliel f’bosta lokalitajiet. It-temperatura bdiet nieżla wkoll u bdejna nilbsu dik ix-xalla biex nilqgħu għal frisk ta’ kmieni filgħodu u ż-żiffa kiesħa ma’ nżul ix-xemx.
Jidher li fil-jiem li ġejjin it-temperatura se tkompli nieżla u hija mbassra x-xita għal ġimgħa kollha. L-uffiċju meterjoloġiku mhux jeskludi li llum ikompli l-maltemp matul il-lejl.
