Tnieda programm ta’ logħob diġitali dwar l-edukazzjoni finanzjarja għat-tfal, li se tħeġġiġhom ukoll jieħdu sehem f’kompetizzjoni għall-aħjar kunċett ta’ disinn tal-logħob tal-edukazzjoni. Il-logħba bl-isem ta’ Money Monsters se tgħin lit-tfal biex jifhmu l-importanza tal-ippjanar f’ħajjithom.
F’konferenza tal-aħbarijiet fil-Kulleġġ Santa Klara f’San Ġwann ġie spjegat li l-logħba nħolqot minn tliet studenti li llum huma professjonisti.
Valerija Homoljova, Chantelle Saliba u Sean Powell kienu taw prototip tal-logħba aktar kmieni din is-sena, u l-kwalità tant kienet eċċellenti, li l-kampanja ĠEMMA daħlet f’kollaborazzjoni mal-Ministeru għall-Edukazzjoni biex din tkun żviluppata għal użu edukattiv.
Rebbieħa tal-ewwel jew it-tieni post fil-kompetizzjoni se jkunu jistgħu ibiddlu kunċett fi prototip tal-logħob, biex eventwalment tinħoloq pjattaforma edukattiva u diġitali dwar il-kapaċità finanzjarja
Il-Ministru għall-Edukazzjoni Justyne Caruana tkellmet dwar l-importanza li nagħtu tagħlim ta’ ħiliet lill-uliedna, f’kuntest ukoll tar-riformi importanti li qed isiru fis-settur edukattiv.
Qalet, “Aħna ngħallmuhom jagħmlu għażliet finanzjarji għall-bqija ta ‘ħajjithom, allura permezz tal-logħob qed ngħallmu lil uliedna valur importanti li jgħinhom f’ħajjithom għandhom ikunu ċittadini tajbin.”
Il-Ministru għad-Drittijiet tat-Tfal Michael Falzon faħħar din l-inizjattiva u appella għal iktar inizjattivi ta’ dawn it-tip, sabiex minn etajiet żgħar ngħallmu lit-tfal fl-iskejjel dwar l-importanza tal-għarfien u l-kapaċità finanzjarja.
Spjega, “Grazzi għall-Ministeru tal-Edukazzjoni, se nkunu qed ngħinu lill-istudenti ta’ pajjiżna hawn biex jgħallmuhom kmieni kemm hu importanti li jagħmlu l-għażliet it-tajba.”
