Fiż-żona ta’ Ground Zero f’New York, fejn kien hemm it-Twin Towers tfakkret il-memorja tal-vittmi li mietu fl-attakk terroristiku ta’ għoxrin sena ilu.
Din iċ-ċerimonja ta’ tifkira bdiet bid-daqq tal-innu nazzjonali Amerikan.
F’din iċ-ċerimonja ta’ tifkira nqraw l-ismijiet tal-vittmi kollha li tilfu ħajjithom f’din it-traġedja ta’ 20 sena ilu.
Dawn l-ismijiet inqraw mill-qraba tal-vittmi.
Kien għall-ħabta tat-8:43 ħin Amerikan, x’ħin saret l-ewwel minuta ta’ silenzju.
Din il-minuta ta’ silenzju saret fil-ħin x’ħin daħal l-ewwel ajruplan fit-Twin Towers.
Preżenti għal din iċ-ċerimonja ta’ tifkira kien hemm preżenti l-Presidenti tal-Istati Uniti Joe Biden, flimkien mal-eks Presidenti Amerikan Barrack Obama u Bill Clinton.
