Brażiljana kienet ikkundannata 31 sena ħabs talli pjanat il-qtil ta’ żewġha li kien l-Ambaxxatur Grieg għall-Brażil.
Fl-2016, il-fdal tal-ambaxxatur Kyriakos Amiridis instabu fil-bagoll ta’ karozza maħruq f’Rio de Janeiro.
Sar magħruf li martu kellha relazzjoni barra ż-żwieġ ma’ uffiċjal tal-pulizija. Hu kien ammetta li qatel l-ambaxxatur fuq ordni tal-maħbuba tiegħu u kien ikkundannat tnejn u għoxrin sena ħabs.
Fi tmiem il-ġuri tagħha li dam biss tlett ijiem, l-imħallef qal li dan l-att kien reat bestjali.
