L-Awtorità Maltija għat-Turiżmu ħabbret li l-kunċert mill-Orkestra tal-BBC se jkun qed jirritorna f’pajjiżna.
Dan filwaqt li se jkun qed isir kunċert ieħor ta’ bl-isem Pete Tong Classics mill-Heritage Orchestra.
L-ewwel kunċert ser isir fl-24 ta’ Settembru bl-isem ‘It’s a Kind of Magic – The Queen Story’. Dan il-kunċert mistenni jinkludi 60 biċċa ta’ mużika li ser jirrakontaw l-istorja ta’ Freddie Mercury, Brian May, Roger Taylor u John Deacon. L-Orchestra ser tinterpreta ukoll kanzunetti ta’ Jimi Hendrix, Led Zepplin, Aretha Franklin, John Lennon u aktar kif ukoll rikreazzjoni tal-kunċert Live Aid li kien sar fl-Istadium ta’ Wembley.
Pete Tong Classics huwa t-tieni kunċert li ser jittella’ ’pajjiżna fit-28 ta’ Settembru. Hawnhekk mistennija jindaqqu albums klassiċi bħal Classic House, Ibiza Classics u Chilled Classics.
L-Awtorità fi stqarrija qalet li dawn il-kunċerti ser jimxu id f’id mal-miżuri maħruġa mis-Supertendenza għas-Saħħa Pubblika.
Il-biljetti għaż-żewġ kunċerti jistgħu jinkisbu minn fuq is-sit www.visitmalta.com
