Tisbit.
Kunċert f’Għawdex ikkaraterizzat mid-daqq tat-tnabar.
Għal-lejla waħda l-Pjazza tal-Katidral fiċ-Ċittadella se tinbidel għal post ta’ mużika minn mużiċisti u artisti Għawdxin.
Dan il-kunċert li huwa ta’ l-ewwel xorta tiegħu se jsir b’kollaborazzjoni ma’ studenti minn The Clef House, mill-iskola ta’ The Box – Malta u mal-kor tat-tfal ta’ Schola Cantorum Jubilate.
Il-pubbliku, filwaqt li qed jiġi mistieden sabiex jattendi għal dan il-kunċert, qed jiġi mitlub ukoll sabiex jippreżenta ċ-ċertifikat tal-vaċċin u anke jibgħat email fuq booking.tisbit@gmail.com biex jirriserva post.
Il-lejla mużikali se tittella’ l-Ġimgħa 3 ta’ Settembru fit-tmienja ta’ filgħaxija.
Il-kunċert huwa mtella’ mill-Kunsill tal-Kultura fi ħdan il-Ministeru għal Għawdex.
