Żieda fl-immigranti li qasmu l-Mediterran iżda f’Malta daħlu 1,641 immigrant inqas mis-sena l-oħra

Bejn Jannar u Lulju ta’ din is-sena, in-numru ta’ immigranti li qasmu l-Mediterran żdiedu b’96%, meta mqabbel mas-sena li għaddiet.

Dan hekk kif fl-ewwel seba’ xhur qasmu 30,784 immigrant.

Dan ħareġ minn rapport tal-aġenzija tal-Unjoni Ewropea, il-FRONTEX, li jgħid ukoll kif l-aktar immigranti li qasmu din ir-rotta kienu mit-Tuneżija, il-Bangladesh u l-Eġittu.

Statistika oħra minn rapport tal-aġenzija tar-refugjati tan-Nazzjonijiet Uniti turi kif fl-Italja daħlu 29,243 immigrant, fi Spanja daħlu 17,167 immigrant u f’Malta daħlu 325 immigrant.

Fl-istess rapport ħareġ kif bejn Jannar u Ġunju ta’ din is-sena kien hemm nuqqas ta’ 86% fil-wasliet tal-immigranti li daħlu f’Malta.

Fl-ewwel seba’ xhur tas-sena l-oħra daħlu 1,966 immigrant, waqt li fl-ewwel seba’ xhur ta’ din is-sena daħlu 325 immigrant.

Dan ifisser nuqqas ta’ 1,641 immigrant.

IMMIGRANTI F’MALTA FL-EWWEL SEBA’ XHUR TAL-2020 U L-2021