L-istilla Arġentin tal-futbol, Lionel Messi wasal fil-kapitali Franċiża, Pariġi sabiex jingħaqad mat-tim il-ġdid tiegħu, dak ta’ Paris Saint-Germain.
Messi wasal ftit wara t-tlieta u nofs ta’ waranofsinhar, hekk kif barra l-ajruport kien hemm mijiet ta’ nies u partitarji Franċiżi jistennew il-wasla tal-Arġentin.
Messi ta’ 34 sena, li rebaħ sitt blalen tad-deheb mistenni jiffirma kuntratt ta’ sentejn mal-klabb Franċiż.
Lionel Messi kien ilu mill-2001 mal-klabb ta’ Barcelona, fejn kien mal-akkademja u sentejn wara ddebuta b’mod professjonali.
