Id-dgħajsa P33 li ġiet mgħarrqa s-Sibt li għadda fil-ponta taż-Żonqor f’Wied il-Għajn diġà bdiet titgawda minn għadd ta’ għaddasa.
Fil-fatt numru ta’ għaddasa diġà bdew itellgħu ritratti tagħhom iżuru l-P33 b’bosta oħra jiktbu fuq il-midja soċjali li qed jistennew bil-ħerqa biex jgħoddsu.
Din l-opra tal-baħar kienet patrol boat tal-Forzi Armati ta’ Malta, li għamlet żmien twil mitluqa fil-Port il-Kbir.
Din waħda minn bosta attrazzjonijiet taħt il-baħar li jkomplu jiżdiedu biex pajjiżna jkollu settur turistiku sostenibbli
Ritratt: DiveMed
