Il-Papa Franġisku deher pubblikament għall-ewwel darba mindu ġie operat fil-musrana l-ġimgħa li għaddiet.
Fl-età ta’ 84 sena, il-Papa jidher fi stat tajjeb ta’ saħħa, u mexxa t-talb ta’ nhar ta’ Ħadd mill-gallarija tal-isptar Gemelli f’Ruma, li fih qed jiġi rikoverat.
Mijiet ta’ persuni nġabru biswit l-isptar biex jisimgħu lill-Mexxej tal-Knisja Kattolika.
Min-naħa tiegħu, il-Papa Franġisku rringrazzja lil kull min inġabar biex jisimgħu u lill-ħaddiema tal-isptar, fejn tenna l-importanza ta’ sistemi tas-saħħa tajbin u aċċessibbli għal kulħadd.
