Il-Kantant Fabrizio Faniello nieda verżjoni ġdida tal-kanzunetta ‘Another Summer Night’. Dan hekk kif għaddew 20 sena minn meta Fabrizio Faniello rrappreżenta lill-pajjiżna b’din il-kanzunetta, fil-Eurovision Song Contest, quddiem 38,000 persuna fl-udjenza u aktar minn 100 miljun telespettatur minn minn madwar id-dinja.
Faniello kien ikklassifika fid-disa’ post ta’ dan il-festival u ħa l-punti massimi mid-Danimarka, il-pajjiż li kien qed jospita l-festival ta’ dik is-sena. Barra minn hekk, il-kanzunetta ‘Another Summer Night’ kisbet suċċess madwar il-kontinent Ewropew, kemm fil-klassifiċi tal-bejgħ kif ukoll dawk tar-radju.
It-tnedija ta’ din il-kanzunetta, tinkludi wkoll numru ta’ remixes għall-clubs, flimkien ma’ video ta’ lirika, fejn Fabrizio Faniello jidher bħala l-protagonist u karattru komiku. F’din il-kanzunetta Faniello qed ikun akkumpanjat minn oħtu, Claudia Faniello.
Segwi l-video minn hawn taħt:
