Il-Kummissjoni Ewropea ħabbret numru ta’ proposti ġodda għal riforma fis-sistema ta’ talbiet għall-ażil li jużaw pajjiżi tal-Unjoni Ewropea.
Dan b’reazzjoni għall-kriżi tal-immigrazzjoni, speċjalment fid-dawl tad-diffikultajiet li ilhom iħabbtu wiċċhom magħhom pajjiżi bħall-Greċja u l-Italja. Pajjiżi li jkollhom jilqgħu eluf ta’ persuni li jaslu mil-Lvant Nofsani u mill-Afrika.
Il-Kummissjoni identifikat ħames oqsma ta’ prijorita’, fejn is-Sistema Ewropea Komuni tal-Ażil għandha titjieb.
Il-Kummissarju Ewropew għall-Migrazzjoni, Dimitris Avramopoulos, wiegħed is-support tiegħu. Fost il-proposti hemm dik li l-Unjoni Ewropea jkollha sistema bbażata skont kemm il-pajjiż partikolari jkun jiflah jilqa’ persuni.
