Ukren ta’ 51 sena minn San Pawl il-Baħar waqa’ minn fuq sellum fil-Kon-Katidral ta’ San Ġwann fil-Belt Valletta.
Huwa mifhum li r-raġel kien għaddej fuq xogħlijiet fil-Kon-Katidral.
Il-każ seħħ għall-ħabta tal-10 ta’ filgħodu.
Fuq il-post issejħu l-pulizija tad-distrett, ambulanza u membri tad-Dipartiment tal-Protezzjoni Ċivili biex jagħtu l-ewwel għajnuna.
Ir-raġel ittieħed b’ambulanza lejn l-isptar Mater Dei fejn ġie ċċertifikat li qed isofri minn ġrieħi ħfief.
