Mara u raġel minn Ħaż-Żabbar iddaħħlu l-isptar għall-kura wara li kienu involuti f’inċident bil-mutur fi Vjal il-Labour f’Ħaż-Żabbar.
Il-każ seħħ għall-ħabta tal-11:15 ta’ filgħodu. Għal xi raġuni seħħet ħabta bejn mutur u karozza tat-tip Toyota Ractis misjuqa minn raġel mill-Birgu.
Immedjatament fuq il-post waslu Pulizija mit-Taqsima tat-Traffiku kif ukoll tim mediku mill-isptar Mater Dei.
It-tim mediku ta l-ewwel għajnuna lill-feruti fuq il-post u ħaduhom l-isptar għal aktar kura. Il-kundizzjoni tagħhom għadha mhux magħrufa.
