Somalu ta’ 22 sena ġie arrestat b’rabta ma’ serq minn vetturi f’Ħal Għaxaq.
Kien kmieni dalgħodu, għall-ħabta tas-sagħtejn neqsin kwart, meta l-Pulizija tad-Distrett taż-Żejtun ġiet infurmata li hemm żewġt irġiel suspettużi fi Triq il-Qattus, Ħal Għaxaq.
Il-Pulizija flimkien mal-Iskwadra tar-Rapid Intervention Unit marru fuq il-post, fejn bdiet tfittxija fl-inħawi.
Ftit wara nnutaw wieħed mill-persuni li kien jaqbel mad-deskrizzjoni li ġiet mgħoddija lill-pulizija, fi Triq Ġużeppi Gravina, f’Ħal Għaxaq. Kien hemm li Somalu ta’ 22 sena ġie arrestat.
Huwa ttieħed il-lock-up tal-Pulizija fil-Kwartieri Ġenerali, il-Floriana għal aktar stħarriġ.
B’rabta ma’ każijiet simili ta’ serq minn vetturi f’Ħal Għaxaq u Ħaż-Żebbuġ, żewġt irġiel ta’ 45 u 49 sena, tressqu l-Qorti lbieraħ.
