Raġel ta’ 38 sena mill-Marsa ġie arrestat b’rabta ma’ sejba ta’ 70 qartas tad-droga suspettata kokaina u 8 qartas suspettata droga eroina. Allegatament id-droga kienet lesta biex tiġi ttraffikata.
Ir-raġel ġie arrestat mill-Pulizija mill-Iskwadra ta’ Kontra d-Droga u tar-Rapid Intervention Unit (l-RIU), fi Triq it-Tiġrija, il-Marsa.
B’rabta ma’ din is-sejba, inħatret inkjesta mmexxija mill-Maġistrat tal-Għassa Dr Victor Axiak, filwaqt li komplew l-investigazzjonijiet tal-Pulizija.
Ir-raġel mistenni jitressaq il-Qorti dalgħodu, għall-ħabta tal-11:30, quddiem il-Maġistrat tal-Għassa Dr Doreen Clarke. b’akkużi relatati ma’ dan il-każ, fost oħrajn.
Ritratt: Uffiċċju tal-Komunikazzjoni, Il-Korp tal-Pulizija ta’ Malta
