Taljan ta’ 48 sena li joqgħod iż-Żurrieq ġie arrestat b’rabta ma’ serqa minn dar fi Triq it-Tempesta l-Qrendi.
Dan wara li għall-ħabta tat-tlieta neqsin kwart ta’ wara nofsinhar, mara sabet ma’ wiċċha ħalliel hekk kif daħlet lura f’darha.
Dan ħarab minn fuq il-post hekk kif raha.
Il-vittma li rrapportat il-każ lill-pulizija tat deskrizzjoni tal-aggressur filwaqt li ġiet identifikata l-vettura li kien qed juża.
Is-suspettat twaqqaf u ġie arrestat f’Ħal Kirkop wara tfittxija mill-Pulizija tar-Rapid Intervention Unit.
L-investigazzjonijiet dwar dan il-każ għadhom għaddejjin
