Illum huwa l-ħamsin anniversarju mill-mewt tal-Professur Pietru Pawl Saydon.
Saydon jibqa’ mfakkar għall-ħidma siewja li wettaq favur l-ilsien Malti, fosthom meta ttraduċa l-Bibbja mill-Ebrajk għall-Malti.
Il-Prof. Saydon, li twieled iż-Żurrieq, kien qassis u kellu dottorat fit-Teoloġija.
Għal xi żmien huwa kien jokkupa l-kariga ta’ President tal-Għaqda tal-Malti fi ħdan l-Università ta’ Malta.
Jingħad li Saydon dam tletin sena sħaħ jaħdem fuq it-traduzzjoni tal-Bibbja għall-Malti.
Huwa ppubblika wkoll bosta xogħlijiet oħra fosthom: “Ward ta’ Qari Malti” li hija antoloġija tal-aqwa xogħlijiet ta’ proża u poeżija bil-Malti, li ħariġha flimkien mal-Prof. Ġużè Aquilina.
Kiteb ukoll xi novelli li jesponu karatteristiċi Maltin.
