Il-Ħadd filgħodu, il-klabb tar-regatta tal-Birgu vara żewġ opri sabiex jintużaw fir-regatta. Waħda minn dawn l-opri hija tal-Pass, li ngħatat l-isem ta’ Ġorġ l-Għannej tal-Mulej.
Din l-opra ġiet varata ftit jiem wara li Ġorġ tal-Mużew, li kien minn għex f’din il-belt, miet fl-età ta’ 94 sena.
L-opra l-oħra hija opra tal-Fregatina, bl-isem ta’ Gertrude.
Preżenti għal din l-inawgurazzjoni kien hemm is-Sindku tal-Birgu John Boxall u l-Arċipriet ta’ din il-belt, il-Kanonku Karm Busutill, il-President tal-Klabb tar-Regatta tal-Birgu Dizma Attard, flimkien ma’ diversi voluntiera tal-klabb.
