Tinsab fid-daħla tal-Belt.
Dik li issa saret kartolina ta’ pajjiżna, bdiet il-ħidma fuqha fis-sittax ta’ Mejju tal-elf disa’ mija disgħa u ħamsin.
Idea li nibtet waqt kompetizzjoni li ntrebħet mill-iskultur Malti Ċensu Apap b’kollaborazzjoni mad-disinjatur Victor Anastasi biex minn roundabout nħolqot funtana mill-isbaħ.
Tul is-snin sofriet il-ħsarat fosthom fl-elf disa’ mija tmienja u sebgħin meta id ta’ wieħed mit-Tritoni li kien qed iżomm il-plattin inkisret.
Dan wara li fuq l-istess plattin telgħu għadd ta’ persuni bil-muturi biex itellgħu spettaklu, liema piż kien ta’ detriment fejn fl-elf disa’ mija sebgħa u tmenin tpoġġiet kolonna biex isservi ta’ appoġġ għall-istruttura.
Kien f’Jannar tal-2018 li l-funtana reġgħet ngħatat il-ħajja permezz ta’ investiment mill-gvern biex tikkumplimenta l-pjazza maħbuba minn kull min iżurha.
