Pete Buttigieg jieħu l-ġurament bħala s-Segretarju għat-Trasport Amerikan

L-Erbgħa, Pete Buttigieg ta’ nisel Malti ħa l-ġurament bħala d-dsatax is-Segretarju għat-Trasport tal-Amerka. Buttigieg ħa l-ġurament quddiem il-Viċi President tal-Istati Uniti Kamala Harris.

L-eks sindku ta’ South Bend Indiana ħa l-ġurament wara li s-Senat Amerikan ikkonferma lil Buttigieg, hekk kif ġie konfermat b’maġġoranza assoluta ta’ 86 vot favur tlettax-il vot kontra.

Fuq il-midja soċjali, il-Viċi President Harris awgurat lil Pete Buttigieg, fejn qalet li huwa se jsaħħaħ l-infrastruttura tal-Istati Uniti.