Riżultat ta’ nar li qabad minn kuker fi flat fil-Kalkara ħadd ma ttieħed l-isptar iżda kellhom jiġu evakwati n-nies.
Il-każ ġara għall-ħabta tal-12:15pm meta ssejħet l-għajnuna tal-Protezzjoni Ċivili fi triq is-Salvatur.
Fuq il-post kien hemm tliet vetturi tad-Dipartiment tal-Protezzjoni Ċivili biex jikkontrollaw in-nirien, ambulanza u tabib.
Persuni fuq il-post qalu ma’ ONE News li n-nar beda mill-kuker tal-kċina u kif l-ilsna tan-nar bdew jidhru ħerġin mit-tieqa tal-kċina li tagħti għat-triq.
