L-attakkant ta’ Manchester United Marcus Rashford kien fil-mira ta’ attakki razzisti online wara l-logħba tal-bieraħ li fiha l-United spiċċaw f’parità ta’ mingħajr gowls mat-tim ta’ Londra, l-Arsenal.
Il-plejer internazzjonali Ingliż ta’ 23 sena qed jirrifjuta li jtella’ ritratti tan-numru ta’ messaġġi razzisti li rċieva lbieraħ. Rashford qal li jħoss li jkun qed ġġib ruħu b’mod irresponsabbli jekk jagħmel hekk, filwaqt li sostna li l-ebda kumment mhu se jġiegħelu jħossu differenti.
Il-plejer tal-United qal li hu għandu diversi ammiraturi żgħar li ġejjin minn kulturi differenti u għalhekk ma għandhomx ikunu esposti għall-mibegħda razzjali li kellu indirizzata lejh.
