Il-President Amerikan Donald Trump għamel l-aħħar messaġġ tiegħu qabel telaq mill-White House, u qal li għamel dak li mar biex jagħmel, u ħafna iktar.
F’filmat li qiegħed ukoll fuq YouTube, Trump qal li hu ħa ħsieb l-iktar battalji diffiċli għaliex għalhekk ġie elett.
Trump għadu m’aċċettax b’mod sħiħ ir-riżultat tal-elezzjoni Presidenzjali f’Novembru li għadda, li tilifha għad-Demokratiku Joe Biden.
Biden mistenni jinħatar President aktar tard illum.
Tard it-Tlieta filgħaxija, Trump talab skuża lir-rappers Lil Wayne u Kodak Black, kif ukoll lill-eks Sindku ta’ Detroit.
Il-midja Amerikana qed tirrapporta li fl-aħħar sigħat tiegħu fl-ogħla kariga tal-Amerka, Trump mistenni jitlob skuża lil għexieren ta’ persuni oħra fosthom lill-eks konsulent tiegħu Steve Bannon.
Lejliet l-inawgurazzjoni tiegħu, Joe Biden ta ġieħ nazzjonali lill-erba’ mitt elf Amerikan u Amerikana li tilfu ħajjithom minħabba l-Covid-19.
Ma’ nżul ix-xemx tat-Tlieta, erba’ bitt bozza nxtegħlu quddiem il-Monument ta’ Lincoln f’Washington DC biex jonoraw lil dawk li tilfu l-battalja kontra dan il-virus li ħakem lid-dinja kollha.
