Il-Kunsill Lokali tal-Gżira, l-Għaqda Sajjieda Dilettanti Gżira u Kamp Emerġenza Ambjent illum se jbaħħru lejn Manoel Island u jtellgħu tabella viżibbli mill-Belt. Fuq it-tabella se jkun hemm kliem li jeżiġi aċċess immedjat għal Manoel Island.
Fl-invit tagħhom għall-okkażjoni, qalu li l-azzjoni simbolika se ssir fid-dawl tal-fatt li l-aċċess għal Manoel Island għadu magħluq illegalment mill MIDI. Bosta nies se jqattgħu l-lejl fuq Manoel Island.
Stiednu wkoll lill-mezzi tax-xandir ikunu preżenti mill-punt tat-tluq, fl-16:15 f’Marsamxett.
