Il-President elett tal-Istati Uniti Joe Biden sejjaħ bħala “imbarazzanti” l-fatt li l-President Donald Trump qed jibqa’ jirrifjuta li jċedi r-rebħa fl-elezzjoni Presidenzjali tal-ġimgħa li għaddiet.Minkejja dan, il-President elett qal li xejn mhu se jżomm it-trasferiment tal-poter milli jsir, u diġà qed jagħmel kuntatt ma’ mexxejja dinjija oħra.
Sadanittant, Donald Trump kiteb fuq Twitter li eventwalment se jkun hu li jirbaħ it-tellieqa li kulħadd qed ibassar li tilef.
Bħalma jiġri kull erba’ snin, il-midja fl-Istati Uniti tipproġetta r-rebbieħ tal-elezzjoni, minkejja li r-riżultati f’ċertu stati jkunu għadhom ma sarux uffiċjali.
Ir-riżultat uffiċjali jitħabbar fl-erbatax ta’ Diċembru meta jitlaqqa’ l-Kulleġġ Elettorali tal-Istati Uniti.
