Din il-gremxula spiċċat protagonista fuq Facebook. Il-fotografu Malcolm Laudi tella’ ritratti tagħha wara li sabha hu u miexi lejn il-karozza tiegħu mix-xogħol.
Kiteb li kienet imdawwra bin-nemel, kollha lesti biex jagħmlu festa minnha ladarba tmut. Messha xi ftit b’saqajh u din tħarrket ftit – kienet għadha ħajja!
Refagħha, neħħa n-nemel kollu minn magħha u ħadha fil-karozza, fejn sqiha ftit ilma minn flixkun li nzerta kellu. Kienet dgħajfa ħafna iżda eventwalment, xorbot ftit ilma. Poġġiha fuq tissue u wara ftit minuti fl-arja friska tal-air condition tal-karozza, reġgħet lura f’tagħha qisha mhux hi!
Fit-tieni ritratt, tidher tippoża donnu biex tgħid ‘grazzi’ talli salvat minn ħalq il-mewt. “Good luck little one, take care!” kiteb il-fotografu.
