Tnieda proġett biex jiġu installati 10 Automated External Defibrillator stations ġodda madwar Għawdex. Dan wara li ġie ffirmat ftehim mal-għaqda volontarja Malta Cadets biex isir proġett konġunt biex madwar Għawdex ikun hawn numru ta’ AED stations.
Waqt it-tnedija ta’ dan il-proġett il-Ministru għal Għawdex Clint Camiller spjega li barra installazzjonijiet ġodda se jsir l-upgrading tat-8 stations eżistenti, ser isir is-servicing tal-istations għall-ħames snin li jmiss kif ukoll ser isiru numru ta’ certified training courses fil-First Aid u fl-użu tal-AEDs kemm għall-ħaddiema tal-Ministeru għal Għawdex kif ukoll għall-pubbliku inġenerali. Huwa qal li l-għan ta’ dan kollu huwa biex jiżdied l-għarfien dwar l-importanza ta’ dan l-apparat li jista’ jsalva ħajjet in-nies.
Il-Ministru Clint Camilleri sostna li l-Ministeru għal Għawdex mhux biss ifaħħar dawn it-tip ta’ inizjattivi iżda jagħti s-sostenn tiegħu għall-ġid tar-residenti u tal-viżitaturi.
Min-naħa tiegħu, is-Segretarju Ġenerali tal-Malta Cadets Etienne Micallef tkellem dwar l-importanza ta’ dan l-apparat u wera kif għandu jintuża.
