L-Ingress Solenni tad-disa’ Isqof tad-Djoċesi Għawdxija, Mons. Anton Teuma se jkun qed isir illejla fil-Katidral ta’ Marija Assunta.Bl-Ingress Solenni, Mons. Teuma se jkun qed jidħol għall-ewwel darba bħala Isqof ikkonsagrat propju fil-Katidral li hu għandu l-katedra, jiġifieri s-siġġu ta’ Isqof.
Dan ma setax isir mal-Ordinazzjoni Episkopali minħabba li ċ-ċerimonja solenni saret fir-Rotunda ta’ San Ġwann fix-Xewkija Għawdex.
F’intervista ma’ dan l-istazzjon l-Isqof t’Għawdex qal li l-ħidma tiegħu bħala rgħaj se tkun ibbażata li jilqa’ lil kulħadd u ma jiġġudika lil ħadd.
