Matthew Grech, ta’ 23 sena minn-Nadur inħeles mill-akkużi ta’ omiċidju involontarju ta’ Allan Michael Stanley, Ingliż ta’ 64 sena f’Ħondoq ir-Rumien, li miet wara li kien intalaqt minn skrun ta’ dinghy waqt li kien qed jogħdos erba’ snin ilu.
Skont diversi xhieda, inkluż il-mara tal-vittma, qalu li l-anzjan kien jinjora l-fatt li jgħum barra miż-żona għall-għawwiema, kif ukoll meta kien jogħdos ma kienx juża tagħmir li jindika li hemm persuna qed togħdos.
