Raġel ta’ 47 sena minn Bormla wieġeb mhux ħati li fil-lejl ta’ bejn is-7 u t-8 t’Awwissu u fil-lejl ta’ bejn it-13 u l-14 t’Awwissu li għadda, seraq diversi litri ta’ diesel minn numru ta’ karozzi u għamel ħsara volontarja fuq l-istess karozzi u talli laqa’ għandu oġġetti misruqa jew akkwistati b’reat. Dan waqt li kien qiegħed f’sit li jinsab fi Triq il-Madonna ta’ Rummiena, ix-Xewkija u kif ukoll waqt li kien fit-Triq San Leonardu, r-Rabat, Għawdex.
Huwa kien mixli wkoll li fl-istess lokalitajiet saq karozza mingħajr ma’ kien kopert bil-polza tas-sigurtà u liċenzja tas-sewqan kurrenti u talli renda lilu nnifsu reċidiv.
Is-sentenza mistennija tingħata fid-19 t’Awwissu.
Is-seduta kienet ippreseduta mill-Maġistrat Brigitte Sultana.
Il-prosekuzzjoni tmexxiet mill-Ispettur Bernard Charles Spiteri.
