OkMalta.com ikabbru il-vantaġġ għal 6 punti fuq it-tim TOTAL fil-5 ġimgħa tal-Mapfre MSV Life l-ewwel Diviżjoni
OKMalta.com, li fost l-oħrajn jilgħab magħhom Mauro Anastasi, li għadu kif rebaħ il-kampjonati nazzjonali għas-sitt darba, u t-tim Totali, fejn wieħed isib lil Sue Abela, li kisbet it-titlu nazzjonali għall-24 darba, ikomplu jiddominaw ix-xena lokali tat-ten pin bowling hekk kif t-tnejn irreġistraw rebħiet kontra l-avversarji tagħhom din il-ġimgħa.
Filwaqt li OkMalta.com għelbu lil XS 8-0, bl-aħħar logħba biss tkun relattivament viċin, (803-771), it-tim ta’ Total ġew megħluba fl-ewwel logħba minn Royal Shock fejn tilfu 789-793, iżda rkupraw b’żewġ logħbiet tajbin biex għelbu lill-avversarji tagħhom 6-2.
Il-taqtigħa għat-tielet post rat rebħa importanti ta ’8-0 għal Swisslion fuq Turu’s Knights, biex b’hekk Swisslion jinsabu fit-tielet post, 4 punti fuq Royal Shock. Fil-logħbiet l-oħra, il-Bank of Valletta kisbu draw ta’ 4-4 kontra Supersonic, waqt li Strike Me Jabaal ħadu 6 punti fuq Blitzkrieg li jinsabu fl-aħħar post.
