Geraldine Ellul Magri, li hija omm ta’ tlett itfal mis-Siġġiewi rebħet l-unur ta’ Mrs Malta 2020 ilbieraħ filgħaxija.
Hija ġiet magħżula minn fost 15-il finalist, waqt attività li saret ilbieraħ filgħaxija f’Montekristo u li kienet organizzata mis-Sur Ivan Gaffiero.
Fit-tieni post ġiet Nadine Cushieri li hija Mrs Rabat, filwaqt li fit-tielet post ġiet Shaline Pullicino li hija Mrs Imrieħel.
Geraldine Ellul Magri se jkollha l-opportunità li tirrapreżenta lil Malta fil-Konkors Mrs World 2021.
