Fit-tieni kwart ta’ din is-sena pajjiżna reġa’ esperjenza tkabbir ekonomiku, din id-darba t-tkabbir reali kien ta’ 3%. Biex il-prodott domestiku gross għal bejn April u Ġunju ammonta għal- €2,277.6 miljun, żieda ta’ €102.7 miljun fuq l-istess perjodu s-sena li għaddiet.
B’hekk Malta qed tkompli tirreġistra fost l-iktar rati ta’ tkabbir ekonomiku sinifikanti fl-Ewropa. Din l-istatistika ppublikata llum tikkonferma ukoll t-tbassir tal-aġenziji ta’ klassifikazzjoni tal-kreditu minn madwar id-dinja.
