Il-Pulizija fil-Panama qed jinvestigaw x’wassal għal mewt ta’ 7 żgħażagħ li nstabu mejta viċin il-lagun ta’ Gatun.
Il-vittmi huma erba’ nisa u tliet irġiel li l-età tagħhom tvarja bejn is-17 u t-22 sena.
Sadanittant l-prosekuturi arrestaw persuna li tinsab taħt suspett.
Huwa mifhum li oriġinarjament huma kienu grupp ta’ 14-il ruħ iżda dawn is-seba’ sfaw attakkati minn żewġ persuni armati waqt li kienu miexjin lejn il-laguna.
