Grant Imahara, wieħed mill-eks preżentaturi tal-ispettakli xjentifiċi Mythbusters u White Rabbit Project, miet ħabta f’sabta fl-età ta’ disgħa u erbgħin sena.
Huwa kien ħejja wkoll ċertu effetti li ntużaw fil-films ta’ Star Wars.
Id-Discovery Channel, li kien ixandar l-ispettakli li kien jippreżenta, iddeskrivih bħala raġel twajjeb ħafna.
Kollegi tiegħu ddeskrivewh bħala bniedem ġeneruż, ġentili u faċli biex taħdem miegħu.
