Is-Sibt wara nofshinar ingħatat l-aħħar tislima lil Gabriel Vella, it-tfajjel ta’ 13-il sena li Ħamis li għadda tilef il-battalja kontra l-marda tal-kanċer.
Il-kulur abjad iddomina quddiem il-Knisja tal-Qala, b’bosta jagħtu l-aħħar tislima lil Gabriel.
Kienu diversi li sellmu l-memorja ta’ Gabriel, tifel kwiet, sportiv u intelliġenti.
Gabriel għamel snin twal jiġġieled tumur f’rasu b’riżultat li qatta’ ħafna żmien l-Ingilterra.
Il-mewt tiegħu tħabbret minn Puttinu, fejn qalet li tinsab bla kliem għat-telfa ta’ dan l-anġlu sabiħ minn Għawdex deskritt bħala tifel b’karattru mill-isbaħ u li jitrasmetti l-paċi fejn ikun.
Fl-istqarrija Puttinu qalet ukoll li tul ħajtu Gabriel kien ta’ eżempju għal kulħadd.
