Fil-Qorti kompla jinstema’ l-każ ta’ Jordan Azzopardi, ta’ 29 sena.
Huwa jinsab mixli li kien il-moħħ wara ċirku ta’ traffikar ta’ kokaina u eroina.
It-tfajla tiegħu, omm ta’ ħames ulied ta’ wieħed u tletin sena minn Bormla, qed tiffaċja proċeduri l-qorti wara li ġiet mixlija b’kompliċità ma’ Jordan Azzopardi u li allegatament wegħdet xi flus li xi xhud li xehed fil-każ.
Fil-Qorti xehed espert farmakoloġiku li qal li s-sustanza li nstabet fi proprjetà tal-akkużat fil-Wardija għandha traċċi ta’ kokaina u f’proprjetà oħra fil-Madliena nstabu traċċi ta’ kannabis.
