Ara: Flok in-nofs maratona t’Għawdex ser tittella’ ġirja virtwali

It-tim tan-nofs maratona t’Għawdex ħabbar li ser ikun qed iniedi ġirja virtwali sabiex ikomplu jgħollu l-livell fix-xena tal-ġiri lokali.

Dan wara li n-nofs maratona li ta’ kull sena tiġi organizzata mix-Xagħra Għawdex kellha titħassar minħabba l-imxija tal-Coronavirus. Din is-sena dan it-tim nieda rotta ġdida għat-tellieqa tan-nofs maratona, it-tieni #RunGozo Expo, il-kampanja Conquer Your Run kif ukoll saru arranġamenti oħrajn li kienu bżonnjużi sabiex din l-esperjenza titwassal bl-aħjar mod possibli. Fi stqarrija ntqal li dan kollu xorta se jsir bejn l-24 u l-25 t’April 2021.

Il-pubbliku qed jiġi mistieden biex tingħaqad ma’ ġerrejja oħra li ġejjin minn kull kantuniera tad-dinja permezz tal-ġiri waqt dawn iż-żminijiet ibsin u turbolenti.

Segwi l-linji gwida.

1. Irreġistra permezz ta’ din il-ħolqa tal-Active (mingħajr ħlas).
2. Iġri, waqt li żżomm ruħek sigur/a (tista’ tiġri barra jew fuq it-treadmill tiegħek).
3. Irrekordja l-ġirja tiegħek billi tuża app tal-ġiri affidabbli (bħal Strava, Fitbit, eċċ.).
4. Tella’ l-ġirja tiegħek fuq din il-ħolqa tal-Active.
5. Irbaħ.

Il-pubbliku qed jiġi mħeġġeġ ukoll biex ittella’ l-ġirja tiegħu fuq il-grupp #RunGozo Community sabiex iħeġġeġ lill-oħrajn jipparteċipaw u jirbħu!

Kull parteċipant se jidħol fiċ-ċans li jirbaħ wieħed minn dawn il-premji kbar li ġejjin:

1. Weekend break mingħand Gozo Village Holidays.
2. Arloġġ Coros Pace multisports.
3. Vawċer ta’ €100 mingħand Teamsport Malta.
4. 3 reġistrazzjonijiet għall-avveniment li jmiss tan-Nofs Maratona t’Għawdex (2021).
5. 2 reġistrazzjonijiet għall-avveniment li jmiss tan-Nofs Maratona t’Għawdex (2021).

Wara li tagħlaq il-kompetizzjoni fit-30 ta’ Ġunju, ir-rebbieħa kollha ser jiġu magħżula b’mod każwali u dawn jiġu mħabbra fuq il-pjattaformi soċjali kollha tat-tim.