Tfajla Taljana ta’ 15-il sena,li toqgħod San Ġwann tilfet ħajjitha wara li waqgħet madwar erba’ sulari minn gallarija ta’ appartament li jinsab fil-ponta ta’ Tigne, f’Tas-Sliema.
Il-każ ġara t-Tlieta għall-ħabta tad-9:00 ta’ filgħaxija.
Il-vittma ġiet iċċertifikata mejta fuq il-post.
Għal dan il-każ infetħet inkjesta Maġisterjali mill-Maġistrat Audrey Demicoli fejn ħatret diversi esperti sabiex jassistuha.
L-investigazzjonijiet tal-pulizija dwar dan il-każ qed jitmexxew mill-Pulizija tad-Distrett.
