23 persuna ngħataw multa ta’ €100 kull wieħed waqt ir-rondi kontinwi li qed jagħmlu l-Pulizija u l-Environmental Health Officers.
Dan bil-għan li jassiguraw li ma jkunx hemm ġemgħat t’aktar minn 4 persuni f’postijiet pubbliċi skont l-avviż legali li ħareġ il-Gvern.
Intant, persuna nstabet tikser il-kwarantina obbligatorja fit-344 spezzjoni li saru fl-aħħar 24 siegħa.
L-appell jibqa’ dak li kulħadd ikun responsabbli u jikkopera mad-direttivi li qed jingħataw mill-awtoritajiet.
