Il-Forzi Armati ta’ Malta sellmet lill-ommijiet kollha b’mod speċjali lil dawk li għandhom it-tfal tagħhom uffiċjali fi ħdan il-Forzi Armati għall-okkażjoni ta’ Jum l-Omm.
F’vidjow li tefgħu fuq is-sit soċjali ta’ Facebook, qalu li din is-sena dan il-jum tant speċjali ma jistax jiġi ċċelebrat bħal snin oħra iżda xorta waħda sabu l-ħin biex isellmulhom u jgħidulhom grazzi tas-sagrifiċċji kollha li għamlu tul iż-żmien.
