BIR-RITRATTI: Id-Dwana b’qabda ta’ 900 kartuna ta’ apparat pirotekniku ddikjarati bħala ġugarelli

Id-Dwana Maltija qabdet kontejner mimli apparat pirotekniku li kien iddikjarat bħala ġugarelli tal-plastik bħal karozzi u blalen.

Dan il-kontejner li oriġina miċ-Ċina kien wieħed minn bosta li ġew spezzjonati qabel jagħmlu l-vjaġġ tagħhom lejn il-Libja.

Waqt li kienu qed jiġi spezzjonat minn scanner, id-Dwana nnutat ċerti inkonsistenzi u meta l-uffiċjali fiżikament eżaminaw il-kontejner sabu numru ta’ żraben tad-ditta li kienu qed jaħbu konsenja ta’ 900 kartuna ta’ apparat pirotekniku tqil 24,000 kilo.

Fi stqarrija, l-uffiċjali tad-Dwana saħqu li qed jagħmlu li jistgħu biex il-fruntiera tagħna jkunu ssalvgwardjati minn attivitajiet illeċti.