Ġuvni ta’ erbgħa u għoxrin sena u tfajla ta’ għoxrin sena ġew arrestati wara rejd tad-droga f’Buġibba.
Kien il-Ħadd għall-ħabta tal-għaxra ta’ bil-lejl meta l-Pulizija mill-Iskwadra ta’ Kontra d-Droga flimkien mar-Rapid Intervention Unit iċċirkondaw il-vettura qrib il-Pjazza ta’ Buġibba.
Wara tfittxija li saret fil-vettura taż-żgħażagħ, nstabet droga kokaina u ammont ta’ flus kontanti.
Iktar investigazzjonijiet matul is-sigħat illi għaddew wasslu biex il-Pulizija se tressaq il-Qorti il-ġuvni ta’ 24 sena illum, fis-sagħtejn u nofs ta’ wara nofsinhar, quddiem il-Maġistrat Dr. Rachel Montebello.
