L-Ambaxxata Ċiniża f’Malta tat donazzjoni ta’ €2,000 lill-Malta Community Chest Fund Foundation.
Dan sabiex il-flus jintużaw għall-ikliet li qed jissajru għall-ħaddiema tas-settur tas-saħħa li qed jimpenjaw ruħhom bis-sħiħ waqt dan iż-żmien tal-pandemija Covid-19.
F’ittra li l-Ambaxxatur Ċiniż Jiang Jiang bagħat lill-President George Vella, faħħar l-inizjattiva li ttieħdet mill-Uffiċċju tal-President biex japprezza x-xogħol li qed isir mill-Maltin biex jiġġieldu l-pandemija tal-Covid-19.
Il-President George Vella rringrazzja lill-Ambaxxatur Ċiniż Jiang Jiang għal dan il-ġest ta’ solidarjetà. Qal li din hi turija tar-relazzjoni tajba li ilha tissaħħaħ bejn iż-żewġ popli matul is-snin.
