Għall-ħabta tas-6:45, seħħet serqa f’ħanut tal-mowbajls fi Triq Mannarino, f’Birkirkara.
Minn stħarriġ preliminari li sar jidher li raġel, allegatament armat b’sikkina, daħal fil-ħanut u talab il-flus lil kaxxier li huwa raġel ta’ 20 sena li joqgħod Ħ’Attard.
Hekk kif ħa l-flus, il-ħalliel ħarab bil-pass minn fuq il-post. Ħadd ma weġġa’ f’dan il-każ.
Bil-każ ġiet infurmata l-Maġistrat tal-Għassa Dr. Astrid May Grima li ħatret Inkjesta filwaqt li l-investigazzjonijiet tal-Pulizija għadhom għaddejjin.
