Hekk fis-sajf jinsab fl-eqqel tiegħu, bil-bajjiet miżgħuda bin-nies, ta’ sikwit naraw nies li jgħaddu l-ġurnata jaqraw xi ktieb b’ġeneri diversi.
ONE News niżel f’waħda mill-bajjiet lokali biex jieħu l-kummenti dwar l-importanza tal-qari.
Interessanti, l-opinjonijiet diversi li ħarġu bejn il-Maltin u t-turisti.
Ġurnata ħdejn il-baħar nabbinawha ma’ xi ftit għażż għax-xemx, xi ikla tajba u ma jistax jonqos xi għuma jew sajda. Iżda, f’jum ħdejn il-bajja fejn ħin fuq idejna jkollna mhux ftit kemm qed nikkunsidraw ktieb?
Bix-xtajtiet tagħna miżgħuda bin-nies, ħadna l-opportunità biex nistaqsu lil Maltin x’inhuma l-gosti ta’ qari tagħhom għal max-xtajta.
