L-ewwel konfront dirett tal-Premier Ingliż, bejn Arsenal u Liverpool kien iddominat minn xita ta’ gowls fl-Istadjum tal-Emirati f’Londra bit-tim ta’ Liverpool mmexxi mill-Ġermaniż Jurgen Klopp jirbaħ l-ewwel logħba ta’ dan l-istaġun minkejja li lagħab barra minn daru.
Logħba li kienet tant mistennija fost il-partitarji Ingliżi hekk kif kienet l-ewwel konfront bejn żewġ timijiet kbar fl-ewwel jumejn tal-istaġun tal-Premier Ingliż. Kienu Arsenal li daħlu fil-vantaġġ wara 31 minuta permezz ta’ gowl ta’ Theo Walcott, l-istess plejer li minuta biss qabel tilef penalty li ġie milqugħ mill-gowler ta’ Liverpool Simon Mignolet.
Fil-ħin miżjud tal-ewwel taqsima lill-plejer ta’ Liverpool magħruf bħala l-‘Wonder Boy’ jew il-plejer Maġiku Philippe Coutinho ġab id-draw minn ‘free kick’ dirett, bl-ewwel taqsima tispiċċa wieħed b’ wieħed.
Ftit tal-minuti wara l-bidu tat-tieni taqsima Adam Lallana daħal lil Liverpool f’ vantaġġ ta’ tnejn b’ wieħed biex seba’ minuti wara Coutinho kompla jżid il-vantaġġ għal tlieta b’ wieħed. Dan ma kienx biżżejjed għal Liverpool għaliex fit-63 minuta Sadio Mane żied l-iskor għall-4-1.
Dak li beda jidher t’umiljazzjoni kbira għal Arsenal beda jitnaqqar hekk kif biss minuta wara l-gowl ta’ Liverpool, Chamberlain ta’ Arsenal naqas l-iskor għal 2-4 u 11 il-minuta wara kompla jnaqqas id-distakk għal 3-4 d-difensur ta’ Arsenal Calum Chambers. Il-Logħba baqgħet bl-istess skor sal-aħħar anke jekk b’ħames minuti miżjuda u b’ hekk Liverpool bdew b’ dan l-istaġun bi tliet punti mirbuħa u b’Coutinho plejer tal-logħba.
