Is-Supretendent tas-Saħħa Pubblika, il-Professur Charmaine Gauci appellat lill-pubbliku sabiex jekk jirċievu posta minn barra xtutna u ma tkunx urġenti, iħalli dan il-pakkett fil-ġenb għal bejn 24 u 72 siegħa.
Dan għaliex jekk fuq dan il-pakkett għal xi raġuni jew oħra seta’ kien hemm kontaminazzjoni tal-Coronavirus, dan jilħaq imut.
Il-Professur Gauci qalet li l-Awtoritajiet tas-Saħħa Maltin kontinwament qed jagħmlu rakomandazzjonijiet u anke qed jaħdmu mal-Malta Post sabiex tinżamm l-iġene regolari.
